_من كتاباتي لمن يستحقون احتراماتي_
%% لكل شيء بداية , ولكل بداية نهاية , ولكن النهاية تساوي البداية في القوة &&
((لا شيء أسوأ من أن تصحو من خيال السعادة لتجد نفسك
في ظلمة تمتد إلى الأفق , لا ظلال لا حياة ,
فقط سكون رهيب وعتمة ليس لها آخر ,
فأين الطريق ))
__________________________________________________ __________
*اسألك بالله وش كان مقصدك من ذاك الوداع المهين .*
جيتك أسابق رياح العواطف يسوقني قلبي ,
وتسابقه جوارحي ,
مهو أنا اللي جيتك هذيك أحاسيسي ومشاعري ,
جيتك ضامي جوعان , أدور نصي الثاني ,
أبي أشربك حنان وآكلك عشق وهيام ,
جيتك أعلن غرامي ,
وأسجل لك اعترافاتي ,
كنت بقول لك :اشتقت لك حيل .
لا لا , كنت بقول : تكفين عن عيوني لا تغيبين .
مدري بس جيتك وأبيك ,
جيتك أرض بلا سما , لا جيتك جسد بلا روح ,
يا كثر ما ودي أقول بس يضيع من لساني الكلام ,
مديت لك يدي وكلي وفاء , وأشوفك ما ودك تمدين ,
مدري وش اللي حصل علميني ,
قولي ماودك تقولين ,
بس لا تسكتين ,
وإذا ما ودك أشري باليدين ,
عطيتك كل الحلول وش تبين ,
ماهي عيونك اللي أشوفها الحين ,
وين الوله وين لقى المحبين ,
ماهي أنتي , هذي صورتك بس مو قلبك ,
ما ودي أطول وأخليك تقلقين ,
نويت أرجع دربي من جديد ,
لا يهمك وعلي لا تخافين ,
اللي تساوت في عيونه الأماكن ما يضره أي مكان,
بغمض عيوني وأسلم دربي لخطواتي دام الظلمة في كل مكان ,
برجع لغربتي وبعيش في جوف ذكرياتي ,
وبنسى إني شريت وبعتيني ,
وبتذكر بس إني حبيت ملكة ماتت وبعيش على ذكراها ,
وقبل الرحيل بقول لك كلمتين :
الله يوفقك .
المواضيع المتشابهه
جيتك
العرض العادي
